شهيوات رمضانمملحات

كيش مالح بحشوة ولا اروع

السلام عليكم  أتمنى  أن  تكونوا  جميعا بخير  وصحة وعافية  تتمة وصفات كيش سأقدم  لكم بالتفصيل  مقادير وطريقة تحضير كيش مالح بحشوة ولا اروع مكتوبة مصحوبة بالصور والفيديو 👇

المكونات والخطوات

مقادير العجين بريزي (pate brisée )
◾ 250غ من الدقيق الأبيض
◾ 50غ المايزينا
◾ 125غ من زبدة العبار
◾ 2 ملاعق من الماء
◾ بيضة
◾ نصف م ص ملح
◾ شوية الإبزار
◾ القليل من بودرة الثوم
◾ م ص من الموطارد
نخلط الدقيق مع المايزينا، نضيف كل من الملح، الإبزار، بودرة الثوم، الموطارد، نضيف الزبدة تكون بحرارة المطبخ. نبسبس العناصر حتى يترمل العجين، ثم نضيف البيضة و الماء.
❌ نجمع العجين فقط بالأصابع العجين لا يدلك نجمع العجين و نلفه في بلاستيك غذائي، ثم ندخله الثلاجة يرتاح على الأقل نصف ساعة. من بعد ذلك، نسرحه بالمدلك ما بين زوج بلاستيكات، ثم نشكله في المول، ثم نثقبه بالفرشيتة، ندخله مرة أخرى للثلاجة باش يقبط مزيان فورمة المول.
بالنسبة للمول ضروري منذهنوه بالزبدة.

تحضير الحشوة
◾ كمية من صدر الدجاج مقطع مربعات
◾ بصلة كبيرة مشلظة
◾ فلفلة خضرا و حمرا مقطعين رقاق
◾ كمية من البروكولي مصلوق نصف صلقة
◾ فطر طري أو معلب
◾ بودرة ثوم
◾ ملح،إبزار
نشحرو صدر الدجاج مع القليل من الزبدة و الزيت البلدي، ملح، إبزار، ثوم. بنفس الطريقة نشحر كل من البصل، الفلافل، البروكولي، الفطر.

مقادير الكريم
◾ 5 البيضات
◾ كمية من الفرماج محكوك
◾ كأس و نصف من القشدة الطرية cuissante
◾ ملعقة كبيرة مايزينا
◾ خمارة
◾ ملح، ابزار، ملعقة ما عامراش عطرية شوارما
نخلط الكل، نطرب العناصر بالفرشيتة و نتركها جانبا لحين الإستعمال.
أخيرا نسرح كل من الفلافل و البصل على طبقة العجين، كذلك صدر الدجاج و البروكولي، ثم نصب طبقة الكريما، ثم نضع الفطر من الفوق.
ندخلها الفرن يكون سخون،على نار متوسطة. العافية تكون شاعلة غير من التحث، حتى تبدا تحمر عاد نشعلو عليها الفوق و التحث. لما تقرب طيب نأخذ عود أسنان، نغرسه في الكيش، إلا خرج ناشف صافي الكيش طاب و بالصحة و العافية.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية

asmae food

أسماء فوود من المغرب عاشقة للطبخ صاحبة قناة asmae food

Related Articles

Back to top button
error: Content is protected !!