تحلية

تحضير انترومي Entremet au mousse blanche

السلام عليكم  أتمنى  أن  تكونوا  جميعا بخير  وصحة وعافية  تتمة وصفات تحلية سأقدم  لكم بالتفصيل  مقادير وطريقة تحضير انترومي Entremet au mousse blanche مكتوبة مصحوبة بالصور والفيديو 👇

المكونات والخطوات

تحضير طبقة البسكوي
250غ من البسكوي، نطحنوه (نستعمل أي نوع من البسكوي)، نضيفو ليه 3 ملاعق كبيرة من الشكلاط فيرمسال، كمية من اللوز محمر و مهرمش، كذلك الكركاع محمر و مهرمش، 2 ملاعق كبيرة من السكر الأشقر، والزبدة مذوبة (نوازيت أي نطيبوها حتى يصير لونها بني).
نجمع العناصر بالزبدة، حتى نحصل على خليط متماسك. نسرح خليط البسكوي فوق صفيحة مفرشة ببلاستيك، نسرحه مزيان داخل إطار دائري أو مربع ،ثم ندخله المجمد.
تحضير الكريما البيضاء la mousse blanche
نحضر أولا crème anglaise au chocolat blan riche: في كسرونة نغليو 250غ من الحليب مع 60غ من سكر سنيدة. في نفس الوقت نأخذ كسرونة نضع فيها 2 أصفر البيض، 60 غ سنيدة، نطرب بالطراب اليدوي حتى تنسجم العناصر.
لما يغلى الحليب، نضيفوه شوية بشوية على خليط اصفر البيض و السكر. نرجع الخليط مرة أخرى فوق النار مع التحريك بالسطاتيل تقريبا زوج دقايق (لما تندوزو الأصبع ديالنا على السطاتيل، متيتلاصقوش لينا الدميعات)، شاهد الفيديو😉 بالنسبة اللي عندو thermomètre، نطيبو الكريما حتى توصل لدرجة الحرارة 85 خارج النار نضيفو على الكريما قطرات من روح الفاني.
نضيف كذلك 5 الورقات الجيلاتين مرطبين في الماء و معصورين (نوجدو الجيلاتين على تيساع). مذلك نضيف الشكلاط الابيض غيش. نحركو مزيان بالسطاتيل حتى يذوب الشكلاط و الجيلاتين (إلى بقاو لينا حبيبات من الشكلاط نطحن الخليط بالمكسور).
نأخذ 550غ من الكريم فريش نطربها mi monté. وأخيرا نأخذ crémé anglaise au chocolat blanc نضيفها على crème chantilly mi monté. نخلط بالسطاتيل حتى تنسجم الكريما البيضاء. نخرج البسكوي من المجمد،نكبو عليه نصف كمية الكريما البيضاء، وندخله المجمد.
تحضير كولي الخوخ
نأخذ الخوخ المعلب، نسقطره من السيرو، نطحنه مزيان بالمكسور، نضيف عليه ملعقة كبيرة سكر سنيدة، كذلك ملعقة صغيرة من نكهة الخوخ. نضع الخليط فوق النار، تطلع الغلية مزيان، خارج النار نضيف زوج ورقات الجيلاتين مرطبين في الماء و معصورين. نخرج entremet من المجمد، نسرح الكولي ديال الخوخ فوق الكريما البيضاء، ثم ندخل مرة أخرى المجمد (غير يبرد مزيان الكولي ديال الخوخ)، نصب ما تبقى من الكريما. ندخل entremet المجمد لحين التقديم. لما نبغيو نقدموه،نخرجوه من المجمد قبل ب ساعة إلا ربع.
التزيين حسب الرغبة و بالصحة و العافية.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية

asmae food

أسماء فوود من المغرب عاشقة للطبخ صاحبة قناة asmae food

Related Articles

Back to top button
error: Content is protected !!