كسكس مغربي بالدجاج و التفاية ولا أروع بخطوات مبسطة لكل المناسبات

السلام عليكم  أتمنى  أن  تكونوا  جميعا بخير  وصحة وعافية  تتمة وصفات شهيوات مغربية تقليدية سأقدم  لكم بالتفصيل  مقادير وطريقة عمل كسكس مغربي بالدجاج و التفاية ولا أروع بخطوات مبسطة لكل المناسبات مكتوبة مصحوبة بالصور والفيديو

المكونات و الخطوات

ناخذ دجاجة من وزن 2 كيلو (مغسولة مزيان بالملح و الحامض،نخليوها تستقطر مزيان حتى تنشف من الماء). نشرملوها في شوية العطرية ( ملعقة صغيرة إبزار،م ص سكين جبير،م ص خرقوم،م ص ملح ) نخلطو العطرية بنصف كاس ديال الماء ، و نشرملو مزيان الدجاجة، و نخلوها تشرب العطرية على الأقل ساعتين.
ناخذ البرمة ديال الكسكسو،نزيدو العطرية (شوية سكين جبير، إبزار، خرقوم، ملح)، و نقليو الدجاجة مزيان في العطرية و الماء فقط، ملي غادي تقلى مزيان غادي نضيف عويدات القرفة ، ربطة من القسبر و المعدنوس، بصلة كبيرة مشلظة، مطيشة محكوكة، و كاس مخلط ما بين زيت بلدية و رومية، نبقى نقلي الدجاجة، ثم نزيد الماء الكافي اللي غادي يطيب لينا الدجاج (الماء يكون سخون)
تحضير الكسكس : ناخذ كيلو إلا ربع من الكسكس (على حساب أفراد العائلة)،غاذي نذهنوه بشوية الزيت ، و رشوه بالماء، نخليوه ينشف شوية، و ملي تغلى البرمة ديال الدجاج، نديرو الكسكسو يفور(التفويرة الأولى خليتها ساعة إلا ربع)، ملي يفور غادي نرشوه بالماء و نخلوه يشرب و نعاودو ليه التفويرة. (بالنسبة لطياب الكسكسو درت ليه 3 تفويرات حتى طاب مزيان و تعلك).
تحضير التفاية : ناخذو كيلو من البصلة البيضاء، نقطعوها شنايف، نزيدو عليها كمية من الزبيب مقطع مرطب في الماء، عويدات القرفة، و نزيدو عليها مرق الدجاج، نسدو عليها في الكوكوط، و نخلوها تطيب. ملي تطيب غادي نضيفو عليها راس ملعقة من القرفة، و 2 ملاعق ديال السنيدة، و نخلوها تطيب حتى تعسل مزيان. بالنسبة للحمص نطيبوه بوحدو مع شوية ديال المرق ،و نزيدو شوية ليقامة (إبزار،سكين جبير،ملح،خرقوم،شوية السمن). ملي يطيب لينا الدجاج،ندهنوه بشوية السمن و الزبدة،و ندخلوه يتحمرفي الفران. ناخذو الكمية اللي بغينا ديال القرعة الحمرا و نديروها تطيب. و أخيرا نسقيو الكسكوس،و نزوقو باس ما بغينا.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية