السلام عليكم أتمنى أن تكونوا جميعا بخير وصحة وعافية تتمة وصفات حلويات باتيسري سأقدم لكم بالتفصيل مقادير وطريقة تحضير كرواصة و شنيك احلى من المخابز بطريقة احترافية مكتوبة مصحوبة بالصور والفيديو 👇
المكونات
◾ 500غ من الدقيق الأبيض
◾ 230غ من الماء
◾ 10 غ ملح
◾ 75غ من حبيبات السكر
◾ 30غ من خميرة الخبز
◾ 40غ من الزبدة
◾ بيضة
◾ 25غ من بودرة الحليب
◾ 200غ من زبدة التوريق (أطلس،لذة،بونا…)
◾ شكلاط أسود طويل
الخطوات
أولا نرطبو الخميرة، نضيفو عليها 2 ملاعق من الماء(نقصوه من كمية الماء اللي عبرنا).
في مول العجانة نضع الدقيق، الملح، السنيدة، بودرة الحليب، البيضة، الزبدة تكون بحرارة المطبخ.
نخدمو العجانة في السرعة الأولى، ونبداو نضيفو الماء شوية بشوية، غير يتجمع الخليط، نضيفو الخميرة، ونزيدو في سرعة العجانة. لما تتدلك العجينة مزيان، نجمعوها على شكل كرة، وندخلوها الفريكو ترتاح 10 دقايق.
ناخذ زبدة التوريق نخدموها شوية، نرطبوها، نشكلوها على شكل مربع و ندخلوها المجمد.
من بعد مارتاحت العجينة، نفلحو الكرة بالسكين على شكل + نحلو العجين، و نسرحو الجوانب الأربعة بالمدلك، نوضعو الزبدة في الوسط،و نسدو عليها. ما نساوش نرشو الدقيق الأبيض باش متلصقش لينا العجينة في طاولة العمل. نسرحو العجينة بالمدلك، بحيث الطول ديالها يساوي أربع مرات العرض (un tour double).
ندخلوها مرة أخرى المجمد لمدة 10 دقايق. نخرجوها مرة أخرى و نسرحوها بحيث الطول يساوي ثلاث مرات العرض(un tour simple).
ندخلوها الثلاجة ترتاح تقريبا نصف ساعة، من بعد نسرحوها بالمدلك. ممكن الإحتفاظ بالعجين اللي خدمنا في المجمد لحين الإستعمال. نقسمو العجين على 2.
النصف الأول نشكلوه بتي بان بالشكلاط (الفيديو يشرح الطريقة بالتفصيل)
النصف الثاني نشكلوه شنيك: نسرحو العجين بالمدلك،نسرحو من الفوق الكريم باتسييير، نرشو الفواكه المعسلة، نلويوها على شكل حلزوني، ثم نقطعوها دوائر.
نذهن البتي بان و الشنيك بأصفر البيض وشوية النسكافي قبل ما يخمرو. لما يخمرو نذهنوهم مرة أخرى بأصفر البيض و النسكافيه. ندخلوهم الفرن يطيبو، و بالصحة و الراحة.
طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية
