صابلي كاري نوكا منظر راقي ومذاق ولا أروع

السلام عليكم  لبنات أتمنى  أن  تكونوا  جميعا بخير  وصحة وعافية  تتمة وصفات حلويات  سأقدم  لكم بالتفصيل  مقادير وطريقة تحضير صابلي كاري نوكا منظر راقي ومذاق ولا أروع مكتوبة ومصحوبة بالصور والفيديو

المكونات و الخطوات

تحضير الصابلي ناخذ 150 غرام  من الزبدة سبيسيال نخذموها مع 100 غرام  من السكر كلاصي مع قبيصة الملح، ثم نضيف بيضة، ثم 50 غرام  من بودرة اللوز و 300 غرام  من الدقيق الأبيض (ممكن إضافة أكثر من 300 غرام  ديال الدقيق). عجين الصابلي تنجمعوه غير بالأصابع متندلكوهش. عجين الصابلي مخاصوش يلصق في اليد. ملي غادي نجمعو عجينة الصابلي، غادي نوضعوه في بلاستيك ، و ندخلوه يرتاح في الثلاجة. ملي ترتاح عجينة الصابلي، غادي نسرحوها ما بين زوج بلاستيكات، و نوضعوها في لاطة 30/ 40 تكون مفرشة بالورق الأبيض، نثقبو مزيان الصابلي بالفرشيتة، وندخلوه الفران يطيب نصف طيبة، و نبداو في تحضير النوكا.
بالنسبة للنوكا ناخذ كسرونة نعبرو فيها 90 غرام  من الزبدة سبيسيال، 100 غرام  من السكر سنيدة، و90 غرام  ديال الكليكوز. نوضعوا هاذ الخليط فوق النار، حتى ياخذ لينا لون مذهب، مع التحريك المستمر. ملي غادي يبدا الخليط يذهب، غادي ناخذ كسرونة و نسخن فيها 80 غرام  من القشدة الطرية،غادي نضيفها على الخليط الأول، غير يغلى الخليط، نطفيو عليه و نضيفو 175 غرام  من اللوز إيفيلي و الفواكه المعسلة. ملي غادي يطيب الصابلي نصف طيبة، غادي نسرحو عليه خليط النوكا. ندخلو الصابلي مرة أخرى الفران يتحمر و يذهب،ملي يطيب نقطعوه و هو باقي سخون، نقطعوه مربعات متساوية

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية