السلام عليكم أتمنى أن تكونوا جميعا بخير وصحة وعافية تتمة وصفات سندويشات سأقدم لكم بالتفصيل مقادير وطريقة تحضير سندويشات التوست sandwich pain de mie مكتوبة مصحوبة بالصور والفيديو 👇
المكونات
◾ 555غ من الدقيق الأبيض
◾ 222غ حليب دافئ
◾ 112غ من الماء
◾ 22غ خميرة طرية
◾ 11غ من الملح
◾ 22غ من سكر سنيدة
◾ 55غ زبدة
الخطوات
تحضير خبز التوست pain de mie
أولا نرطب الخميرة بشوية الماء، أو حليب منقوص من الكمية اللي عندنا.
في مول العجانة، نوضع الدقيق، سكر سنيدة، الملح. نخدمو العجانة في السرعة الأولى، وحنا تنضيفو كل من الماء و الحليب، ملي يتجمعوا لينا العناصر نضيف الخميرة، ونزيدو في السرعة ديال العجانة.
نخليوها تدلك، من بعد تنزيدوا الزبدة تكون بحرارة المطبخ. من بعد ما تيتدلك العجين مزيان ،نغطيوه، و نخليوه يخمار و يضاعف الحجم ديالو.
من بعد ما تيخمار تنسرحوه على شكل مستطيل و تنطويوه على أربعة ( الفيديو تيشرح الطريقة بالتفصيل)، من بعد تلويو العجين على شكل boudin, نزلوه في المول الخاص ب خبز التوست ،يكون مذهون بالزبدة. ممكن إستعمال مول طويل ديال الكيك. بالنسبة لمول خبز التوست العبار ديالو 10/30 نخليو العجين مرة أخرى يخمار، حتى يوصل الفوق ديال المول.
تندخلوه الفران يطيب على درجة حراة 200 تقريبا تياخذ واحد النصف ساعة .
نخليوه حتى يبردمزيان (تقريبا 5 ساعات)، نقطعوه بسكين المنشار
تحضير الحشوة
بالنسبة للمقادير نحتاج كمية من صدر الدجاج مقطع مربعات، كمية من الكفتة، بصلة كبيرة مقطعة مربعات، نصف كأس كريم فريش للطهي، ملح، إبزار، بودرة الثوم، فرماج محكوك، فرماج سندويش، زيتون مقطع.
الطريقة: في مقلاة نشحرو الدجاج مع شوية الزيت البلدي، مليحة، ابزار، نضيفو البصلة، نخليوهم يتقلاو، من بعد نضيفو الكريم فريش، ما نساوش معيلقة صغيرة من المايزينا باش يثقال لينا الخليط. ملي يطيب لينا خليط الدجاج و البصل، و يتشحر حتى ينشف، بنفس الطريقة نشحرو الكفتة مع شوية الملح، إبزار، و نضيفو شوية البصلة و كذلك الثوم غبرة.
من بعد نخلطو كل من الدجاج و الكفتة، نضيفو الزيتون مقطع، الفرماج محكوك. نقطعو خبز التوست من بعد ما نكونو وجدناه بليلة قبل.
نذهنومربع الطوست بالصوص (خلطت المايونيز، الكاتشب، شوية الهريسة)، نزلو من الفوق مربع الفرماج، و كذلك الحشوة، و نسدو بمربع آخر من السندويش. نذهنوه من الفوق من الجهتين (ناخذو زلافة فيها الزيت البلدي، راس ثوم مفرشخ، شوية الإبزار، شوية الزعتر).
من بعد تنحمروه إما في مقلاة ما تكونش تلصق،إما في آلة البانيني. و بالصحة و الراحة.
طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية
