حلوياتحلويات صابلي

حلويات صابلي بمذاق القرفة و النوكاتين

السلام عليكم  أتمنى  أن  تكونوا  جميعا بخير  وصحة وعافية  تتمة وصفات حلويات سأقدم  لكم بالتفصيل  مقادير وطريقة تحضير حلويات صابلي بمذاق القرفة و النوكاتين سهله جدا وناجحة مكتوبة مصحوبة بالصور والفيديو 

المكونات والخطوات

نأخذ 120غ من الزبدة سبيسيال تكون بحرارة المطبخ (من أصل حيواني)، نضيف عليها 100غ من السكر كلاصي، قبيصة الملح. نخدموهم مزيان حتى نحصلو على كريما. نضيف ملعقة صغيرة القرفة، ملعقة صغيرة الكليوز، 100غ من اللوز مطحون بقشرتو. نخدمو مزيان العناصر من بعد نضيفو الدقيق شوية بشوية.
بالنسبة للقياس ديال الدقيق، تقريبا 320غ .
عجين الصابلي لا يدلك، يجمع فقط بالأصابع. نلفه في بلاستيك غذائي، ندخلوه يرتاح في الثلاجة على الأقل ساعة.

تحضير النوكاتين
نحتاج ل 50غ من سكر سنيدة، 50غ من الزبدة سبيسيال، 50 غ من الكليكوز، 100غ من اللوز مهرمش.
في كسرونة و على نار متوسطة، نخلط كل العناصر، ما عدا اللوز مهرمش. لما يذوبو العناصر، و تطلع الغلية، تنطفيو على البوطة، و تنضيفو اللوز مهرمش، و نخلطو كلشي.
تنسرحو عجين الصابلي ما بين زوج البلاستيكات ، بحيث العجينة نسرحوها غليظة ماشي رقيقة، نرشموها بمرشم الشميسة. وضروري منتقبو الصابلي من الوسط. تندخلو الصابلي يطيب نصف طيبة على نار مهيلة، غير ينشف و يتشمع و نخرجوه. من بعد نعمرو الحفيرات بالنوكاتين (بالنسبة لقياس كرة النوكا يكون أكبر شوية من الحمصة) ندخلو مرة أخرى الصابلي للفرن يطيب و يتحمر على نار مهيلة. و بالصحة و العافية.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية

asmae food

أسماء فوود من المغرب عاشقة للطبخ صاحبة قناة asmae food

مقالات ذات صلة

زر الذهاب إلى الأعلى
error: Content is protected !!