حلوة اللاير كيك اللذيذة (layer cake) بطريقة سهله بأدق التفاصيل والأسرار
السلام عليكم أتمنى أن تكونوا جميعا بخير وصحة وعافية تتمة وصفات حلويات سأقدم لكم بالتفصيل مقادير وطريقة تحضير حلوة اللاير كيك اللذيذة (layer cake) بطريقة سهله بأدق التفاصيل والأسرار مكتوبة مصحوبة بالصور والفيديو 👇
المكونات والخطوات
مقادير الجينواز
◾ 8 بيضات
◾ 250غ سكر سنيدة
◾ قبصة الملح
◾ 200غ الدقيق
◾ 50غ الكاكاو
◾ خمارة
نطرب البيض مع سكر سنيدة، مع قبيصة الملح، بالطراب الكهربائي حتى يضاعف الحجم ديالو.نخلطو كل من الدقيق و الكاكاو و الخمارة، نغربلوهم، نبداو نضيفوهم شوية بشوية على خليط البيض و السكر.
نسرح خليط الجينواز فوق لاطة الفرن مفرشة بورق المطبخ، ندخلوه يطيب، الفرن يكون سخون، مشعول من الفوق و التحث. ملي يطيب الجينواز نقطعوه دوائر و نلفوه في بلاستيك غذائي لحين الإستعمال.
تحضير الكريما لحشو الكيك
تحضير كريم diplomate
نحضرو الكريم باتسيير بالشكلاط
◾ 4 أصفر البيض
◾ 80غ سكر سنيدة
◾ 60غ المايزينا
◾ نصف لتر حليب
◾ قطرات روح الفاني
◾ 150غ الشكلاط غيش بالحليب
نغلي الحليب مع نصف كمية سكر سنيدة يعني 40غ. في كسرونة نخلط كل من أصفر البيض والسكر سنيدة المتبقي (40غ)، والمايزينا، نخلطوهم بالطراب اليدوي، ولما يفيض الحليب نضيفوه على خليط البيض، ونرجعو كلشي فوق العافية حتى يعقاد الخليط، مع التحريك المستمر. لما تعقاد لينا الكريما تنضيفو قطرات من روح الفاني، نخلط، ثم نضيف الشكلاط، نخلطو مزيان حتى ينساجمو العناصر. نغطيو الكريما ببلاستيك غذائي، ونخليوها تبرد (مندخلوهاش الثلاجة)
❌ نصيحة : إلى بقاو لينا بعض الحبيبات في الكريما نطحنوها بالمكسور و هي سخونة.
من بعد ما تبرد الكريم باتسييير au chocolat تنضيفو علي 100غ من القشدة طرية مطربة شوية بشوية، و حنا تنطربو . نغطيو الكريما و ندخلوها الثلاجة لحين الإستعمال.
تحضير كريم شانتيي بالشكلاط
بالنسبة للمقادير نحتاج ل
◾ 500غ من الكريم فريش
◾ 120غ من سكر سنيدة
◾ 2 ساشي الفاني
الكناش نحتاج ل
◾ 120 غ من الكريم الفريش
◾ 250غ من chocolat riche
◾ ورقة جيلاتين
◾ و م ك من الزبدة
أولا نحضر الكناش: نغلي 120غ الكريم فريش، نضيفو لها كل من ورقة الجيلاتين (من بعد مارطبناه في الماء و عصرناه مزيان) والشكلاط و الزبدة، خارج النار. نحركو مزيان حتى يذوب لينا الشكلاط تماما.
نطلعوالكريم فريش مع سكر سنيدة مع ساشيات الفاني. لمايبرد الكناش، نزلوه في زلافة كبيرة، ونضيفو له الكريم فريش، شوية بشوية حتى نحصلو على كريما لينة ومتجانسة.
تحضير الطبقة المقرمشة
نخلط كل 150 غ الفويتين،100غ البراليني اللوز، كمية من الكركاع محمر و مهرمش غليظ، 100غ الشكلاط أبيض ذائب.
تحضير السيرو
في كسرونة نغلي 75غ من سكر سنيدة مع 150غ الماء مع معيلقة النسكافي، نخليوه يبرد تماما.
و أخيرا مونطاج الكيك.
نأخذ الجينواز الأول، نسقيه مزيان بالسيرو، نذهنو شوية بالكريم diplomte، نزل الطبقة المقرمشة (نصف الكمية)، ثم طبقة مهمة من الكريم diplomate. نضع الجينواز الثاني، نسقيه مزيان بالسيرو، ثم نزلو من فوقو طبقة مهمة من الكريم شانتيي au chocolat. و هكذا حتى نكمل جميع الطبقات. من بعد ندخل الكيك للثلاجة يبرد. نخرجوه و نملسوالكريما اللي بقات على وجه و جوانب الحلوى.
التزيين إختياري حسب الرغبة و بالصحة و العافية.
طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية
