تحلية من أروع ما يكون بالكرامبل وكريما مميزة

السلام عليكم  أتمنى  أن  تكونوا  جميعا بخير  وصحة وعافية  تتمة وصفات تحلية  سأقدم  لكم بالتفصيل  مقادير وطريقة عمل تحلية من أروع ما يكون بالكرامبل وكريما مميزة مكتوبة مصحوبة بالصور والفيديو

المكونات و الخطوات

تحضير الكرامبل :
ناخذ 250 غ من الزبدة تكون بحرارة المطبخ مع 200غ من السنيدة مع ساشي فاني مع قبيصة من الملح. نخدموهم مزيان حتى يتجانسو مع بعضياتهم. غادي نضيفو 200غ من الدقيق الأبيض مغربل مع 200غ من بودرة اللوز مع نصف ساشي ديال الكاكاو شوية بشوية ، نجعو الخليط ديالنا غير بالأصابع، غادي نجمعو الخليط على شكل كرة، غطيوه ببلاستيك غذائي ونضعوه في المجمد لمدةساعة حتى يتماسك.
نخرجوه من الثلاجة و نحكوه في الحكاكة الغليظة نسرحوه في لاطة مفرشة بورق المطبخ، ندخله الفرن يطيب و يتحمر.
تحضير براليني اللوز :
ناخذ 100غ من اللوز نمسحوه من الغبرة، نحمروه في الفران، نطحنوه و هو باقي سخون مع 100غ ديال السنيدة، حتى يولي بحال آملو (ممكن إضافة شوية من الزيت إلا ما بغاش يطحن لينا)
تحضير الكريم باتسيير :
في كسرونة ناخذ نصف لتر من الحليب مع 60غ ديال السنيدة و نخليوه يغلى غادي ناخدو كسرونة أخرى نوضعو فيها 4 من أصفر البيض ،60غ من السنيدة ،50 غ من مايزينا، نخلطو مزيان حتى ينساجمو لينا العناصر. ملي يغلى الحليب نضيفوه على خليط البيض،نحرك كلشي مع بعضياتو، و نرجعو الخليط فوق النار حتى يعقاد، ضروري منبقاو نحركو في الخليط. خارج النار غادي نضيف قطرات من روح الفاني. غادي نخويو الكريم باتسيير في زلافة كبيرة، و هي باقة سخونة غادي نضيف عليها شكلاط بالحليب غيش و البراليني اللي وجدنا، و نخلوها تبرد ، ما ندخلوهاش الثلاجة. ملي تبرد نطحنها مزيان بالمكسور.
ناخذ 350غ من القشدة الطرية، نطلعها نصف طلعة، ونبداو نزيدوها شوية بشويةعلى خليط الكريم باتسيير.
و أخيرا غادي نوضع الكريما في جيب الحلواني،و ندخلها تبرد مزيان في الثلاجة.
بالنسبة للتقديم :
ناخد كؤوس التقديم، نوضعوطبقة من الكرانبل،طبقة من الكريما، نكرر نفس العملي حتى نحصلو على اربع طبقات، ثم نزين بحبيبات الشكلاط

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية