السلام عليكم أتمنى أن تكونوا جميعا بخير وصحة وعافية تتمة وصفات حلويات سأقدم لكم بالتفصيل مقادير وطريقة تحضير نوكا بالمكسرات (nougat) ناجحة 100% مكتوبة مصحوبة بالصور والفيديو 👇
المكونات
- 50غ من أبيض البيض
- 20غ من حبيبات السكر سنيدة
- 25غ من زبدة الكاكاو
- 250غ من العسل الحر
بالنسبة للمكسرات نحتاج
- 180غ من اللوز محمر
- 180غ من النوازيت
- 150غ من الفستق محمرين
- 2 من ورق أزيم (d’eux feuilles d’azime)
مقادير السيرو
- 420غ من حبيبات سكر سنيدة
- 90غ من الكليكوز
- 125غ من الماء
الخطوات
ملاحظة هامة : ضروري من السيرو يوصل ل 140 درجة، والعسل يوصل ل 130 درجة.
نأخد كسرونة نضع فيها مقادير السيرو (420غ من حبيبات سكر سنيدة، الكليكوز، الماء) نطيب السيرو حتى يوصل لدرجة الغليان 110 (ضروري من thermomètre ) لما يصل السيرو لدرجة الغليان (110)، نشعل على العسل. ضروري السيرو يصل لدرجة الغليان 140 و العسل يصل لدرجة الغليان 130 يجب أن يصلوا ب2 في نفس الوقت لدرجة الغليان المطلوبة. لما يكون السيرو والعسل يطيبوا ،نطرب أبيض البيض مع 20غ من السكر السنيدة، حتى نحصل على مورانك (نطرب بالباطور الصغير، و في مول العجانة) بالنسبة للعجانة فهي ضرورية لنجاح الوصفة. لما يوجد السيرو، نبدا نطلع في أبيض البيض، و نحن نضيفه شوية بشوية، كذلك نضيف العسل (ضروري منطربوه في العجانة بإستعمال الفوي) نطربو لمدة 10 دقايق، و نبدلو الفوي ب k (هذه المرحلة ضرورية ،باش ميتهرش لينا الفوي) نبقاو نطربو و حنا تنسخنو في جوانب الباسين بالسيشوار(يجب على خليط النوكا الا يبرد) لا تنسوا تضيفوا زبدة الكاكاو،لما يطلع لنا المورانك جيدا ،نضيف المكسرات، ونخلط الخليط جيدا . نأخذ الإطار18/27، نذهنه بقليل من الزيت، نفرش من التحث ورقة أزيم، نسكب النوكا (ضروري ما نقوم بدهن أيدينا بقليل من الزيت)، نسرحها جيدا ،ثم نصع من الفوق مرة أخرى ورق أزيم. نترك النوكا يوم كامل (لا تدخل للثلاجة). من بعد نقوم يقطعها بواسطة سكين كبير وحاد, و بالصحة و الراحة.
طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية
