تحضير ميني تارت شوكولا

السلام عليكم  أتمنى  أن  تكونوا  جميعا بخير  وصحة وعافية  تتمة وصفات حلويات باتيسري سأقدم  لكم بالتفصيل  مقادير وطريقة تحضير قميني تارت شوكولا مكتوبة مصحوبة بالصور والفيديو 👇

المكونات والخطوات

مقادير عجين الصابلي
◾ 85 غ من الزبدة سبيسيال
◾ 100غ السكر كلاصي
◾ قبيصة الملح
◾ بيضة
◾ الدقيق الأبيض تقريبا 320غ
طريقة التحضير
نخذمو الزبدة مع السكر كلاصي، منساوش إضافة قبيصة الملح، حتى نحصلو على بوماد، نضيفو البيضة، نخدمو العناصر، ثم نضيف الدقيق شوية بشوية.
مندلكوش عجين الصابلي ، فقط نجمعه بالأصابع. ندخل عجين الصابلي يرتاح على الأقل ساعة في الثلاجة. نسرحوه ما بين زوج بلاستيكات، نطبعوه بمرشم دائري، و نشكلوه في قوالب صغيرة. نثقبوهم، و نخلوهم المجمد مرة أخرى (باش يقبطولينا الفورمة ديال القوالب) ندخلوهم الفرن يكون سخون ،العافية تكون مهيلة.
تحضير الكرانبل
نحتاج ل
◾ 50غ السكر كلاصي
◾ 50غ الكوك
◾ 50غ الزبدة سبيسيال
◾ 50غ الدقيق
الطريقة
نخلطو النواشف كل من الدقيق، السكر كلاصي، الكوك، نضيفو عليهم الزبدة، نبسبسو العناصر، نجمعو العجين فقط بالأصابع. ندخل كرة الكرانبل للمجمد، ملي تقساح نحكوها في الحكاكة الغليظة، نسرحو ه في لاطة الفرن، و ندخلوه الفران يطيب على نار مهيلة.
تحضير الطبقة المقرمشة
نحتاج ل 40 غ من الفويتين، نضيفو ليه 2 ملاعق كبار من براليني اللوز، نخلطهم مع بعضياتهم، ثم نضيف عليهم 40غ الشكلاط أبيض غيش.
تحضير الكناش
نحتاج ل 100 غ من القشدة الطرية، 200غ من الشكلاط (خديت 100غ الشكلاط أسود غيش، و 100غ من الشكلاط بالحليب)، شوية الزبدة. نغليو القشدة الطرية مزيان، نضيفو عليها الشكلاط،الزبدة.نخلطو العناصر حتى يذوب لينا الشكلاط تماما.
و أخيرا نعمرو لاي طارت بالطبقة المقرمشة، نكبو الكناش من الفوق، ثم نزوقو بالكرانبل، والكركاع. و بالصحة و الراحة.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية