بسطيلة بالدجاج مالحة و لا أروع لجميع المناسبات مع طريقة طي البسطيلة

السلام عليكم  أتمنى  أن  تكونوا  جميعا بخير  وصحة وعافية  تتمة وصفات مملحات سأقدم  لكم بالتفصيل  مقادير وطريقة تحضير بسطيلة بالدجاج والفرمسيل و لا أروع لجميع المناسبات مع طريقة طي البسطيلة مكتوبة مصحوبة بالصور والفيديو 👇

المكونات و الخطوات

نحتاج دجاجتين من وزن 2,5 كلغ (نغسلهم جيدا  بالملح و الحامض، من الأحسن نزيل لهم الجلدة، ونتركهم يستقطروا حتى ينشفوا تماما من الماء), نحتاج 2 ملاعق كبيرة من صلصة المحار, 3 ملاعق كبيرة  من صوص صويا، 3 ملاعق كبيرة من سكين جبير طري محكوك، نصف كأس عنبة من زيت الزيتون، 2 ملاعق ك من عطرية الشينوا، 4 ضروس من الثوم محكوك.
نخلط جميع التوابل في زلافة كبيرة ، نشرمل الدجاج، و نتركه يترقد ليلة كاملة في العطرية. من بعد ما شرب لينا الدجاج جيدا.  العطرية، نضعها  في لاطة مفرشة بورق الألومنيوم، والورق الأبيض، نغلق عليه جيدا، و ندخله يطيب في الفرن (ممكن طيبوه في الكوكوط على نار مهيلة).
لما يطيب الدجاج ، نسقطروه جيدا من المرق اللي طلق (نحتفظ بيه)، نذهنه بقليل من  الزبدة، و ندخله ينشف في الفرن .
بالنسبة للمرق اللي طلق الدجاج سوف نضعه  في كسرونة ونتركه يتشحر و ينشف تماما من الماء.
تحضير حشوة الخضر و الفرمسيل :
سوف نحتاج نصف كيلو من البورو مقطع رقيق، فلافل (خضراء، حمراء، صفراء) مقطعين قطع صغيرة، الشعرية الصينية (من الأحسن  الأرز).   أربع جزرات محكوكين.
سوف نشحر البورو مع القليل من  الزيت البلدي و الزبدة، و الملح و الإبزار. نشحر كذلك الجزر بنفس الطريقة. نشحر الفلافل مع القليل من الزيت البلدي و الملح والأبزار.
نخلط ( البورو، خيزو، الفلافل ) من بعد ما تشحرو، نضيف عليهم الشعرية  الصينية (من بعد ما رقدتها ساعة في الماء الملغى مع راس ثوم، وورق سيدنا موسى، قليل من  الملح، و سقطرتها جيدا من الماء، و فتحتها بقليل من زيت الزيتون ،و قطعتها).
نترك  الكل يتشحر جيدا ،نضيف2 ملاعق كبار من صوص الصويا، و نصحح الذوق نضيف الملح، إبزار، القليل من السودانية (اللي تيعجبو الحار).
تحضير البشاميل :  
في كسورنة فوق النار نضع 2 ملاعق من الزبدة، نصف ملعقة من الملح، نصف ملعقة من الإبزار مع 60غ من الدقيق، نبقا  نحركو حتى تذوب الزبدة، و يبدا الدقيق يتحمر، نضيف  كاس مخلط ما بين كريم فريش، والحليب (ممكن تضيفوا  غير الحليب)،نبقاو نحركو حتى تعقاد لينا البشاميل.
نأخد  المرق اللي شحرنا نضيفه على البشاميل ونخلط  جيدا  حتى الانسجام . من بعد ما برد الدجاج نقوم بقطعه إلى شرائح ، تم  نضيف عليه البشاميل، و نخلطهم جيدا .
من بعد ما بردت  حشوة الخضر و الفرمسيل، نضيف ملعقة كبيرة من الجلجلان الأبيض، ملعقة صغيرة من السانوج، 3 ملاعق كبارمن المعدنوس مقطع، الفرماج محكوك، نخلط الكل مع بعضه .
بالنسبة لمونتاج البسطيلة ، نضع طبقة الخضر و الفرمسيل  هي الأولى، فوقها طبقة الدجاج، ثم كمية من الفرماج أحمر محكوك.
بالنسبة لطريقة طي البسطيلة ضروري من مشاهدة الفيديو.

طريقة التحضير بالتفصيل الممل في الفيديو بصراحة وصفة متميزة تستحق التجربة بالصحة والعافية